ರೇಣುಕಾಸ್ವಾಮಿ ಕೊಲೆ ಕೇಸ್‌: ಕೋರ್ಟ್‌ನಲ್ಲಿ ಉಲ್ಟಾ ಹೊಡೆದ ಪಟ್ಟಣಗೆರೆ ಶೆಡ್‌ನ ಪ್ರತ್ಯಕ್ಷಸಾಕ್ಷಿ; ‘ನಾನು ಇವರನ್ನ ನೋಡಿಲ್ಲ’

ನ್ಯಾಯಾಲಯದಲ್ಲಿ ಒಂದು ನಿರ್ದಿಷ್ಟ ಪಕ್ಷದ ಹೆಚ್ಚಾಗಿ ಪ್ರಾಸಿಕ್ಯೂಷನ್ ಅಥವಾ ಸರ್ಕಾರದ ಪರವಾಗಿ ಸಾಕ್ಷಿ ಹೇಳಲು ಬಂದ ವ್ಯಕ್ತಿಯು, ನ್ಯಾಯಾಧೀಶರ ಮುಂದೆ ತನ್ನ ಹಿಂದಿನ ಹೇಳಿಕೆಯನ್ನು ಬದಲಾಯಿಸಿ, ತಾನು ಯಾರ ಪರವಾಗಿ ಸಾಕ್ಷಿ ಹೇಳಬೇಕಿತ್ತೋ ಅವರ ವಿರುದ್ಧವಾಗಿಯೇ ಹೇಳಿಕೆ ನೀಡಿದರೆ ಅಂತಹ ಸಾಕ್ಷಿಯನ್ನು ‘ಹಾಸ್ಟೈಲ್ ಸಾಕ್ಷಿ’ ಎಂದು ಕರೆಯಲಾಗುತ್ತದೆ.

ಉದಾಹರಣೆಗೆ, ಒಬ್ಬ ವ್ಯಕ್ತಿಯು ಕೊಲೆ ಪ್ರಕರಣವೊಂದನ್ನು ಕಣ್ಣಾರೆ ನೋಡಿ, ಪೊಲೀಸರ ಮುಂದೆ “ಈ ವ್ಯಕ್ತಿಯೇ ಕೊಲೆ ಮಾಡಿದ್ದಾನೆ” ಎಂದು ಹೇಳಿಕೆ ನೀಡಿರುತ್ತಾನೆ. ಆದರೆ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುವಾಗ, “ನಾನು ಕೊಲೆ ಮಾಡಿದ್ದನ್ನು ನೋಡಿಲ್ಲ, ಪೊಲೀಸರು ಬಲವಂತವಾಗಿ ನನ್ನಿಂದ ಸಹಿ ಪಡೆದಿದ್ದರು” ಎಂದು ಹೇಳಿದರೆ, ಆ ಸಾಕ್ಷಿಯನ್ನು ಪ್ರಾಸಿಕ್ಯೂಷನ್ ‘ಹಾಸ್ಟೈಲ್’ ಎಂದು ಘೋಷಿಸುತ್ತದೆ.

ಒಬ್ಬ ಸಾಕ್ಷಿ ಹಾಸ್ಟೈಲ್ ಆದ ತಕ್ಷಣ ಆತನ ಸಂಪೂರ್ಣ ಹೇಳಿಕೆಯನ್ನು ನ್ಯಾಯಾಲಯ ತಿರಸ್ಕರಿಸುವುದಿಲ್ಲ. ಆತ ಹೇಳಿದ ಮಾತುಗಳಲ್ಲಿ ಯಾವುದು ಸತ್ಯ ಮತ್ತು ನಂಬಲರ್ಹ ಎಂದು ನ್ಯಾಯಾಧೀಶರಿಗೆ ಅನ್ನಿಸುತ್ತದೆಯೋ, ಅಷ್ಟು ಭಾಗವನ್ನು ಮಾತ್ರ ತೀರ್ಪು ನೀಡುವಾಗ ಪರಿಗಣಿಸುವ ಅಧಿಕಾರ ನ್ಯಾಯಾಲಯಕ್ಕಿರುತ್ತದೆ.