ಮೈಸೂರು ದಸರಾ 2026

 
ಪ್ರತಿ ವರ್ಷ ಅಶ್ವಿನಿ ಮಾಸದ ಶುಕ್ಲ ಪಕ್ಷದ ಹತ್ತನೇ ದಿನದಂದು ದಸರಾ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ದಿನವನ್ನು ವಿಜಯದಶಮಿ ಎಂದೂ ಕರೆಯುತ್ತಾರೆ. ಹಿಂದೂ ಧರ್ಮದಲ್ಲಿ ವಿಜಯದಶಮಿ ಹಬ್ಬಕ್ಕೆ ಹೆಚ್ಚಿನ ಮಹತ್ವವಿದೆ. ಈ ದಿನ ಶ್ರೀರಾಮನು ರಾವಣನನ್ನು ಕೊಂದನು ಎನ್ನುವ ನಂಬಿಕೆಯಿದೆ. ಸನಾತನ ಧರ್ಮದಲ್ಲಿ, ಈ ಹಬ್ಬವನ್ನು ಕೆಟ್ಟದ್ದರ ವಿರುದ್ಧ ಒಳ್ಳೆಯದರ ಮತ್ತು ಅನ್ಯಾಯದ ಮೇಲೆ ನ್ಯಾಯದ ವಿಜಯದ ಸಂಕೇತವೆಂದು ಪರಿಗಣಿಸಲಾಗಿದೆ. ವಿಜಯದಶಮಿಯಂದು ಜನರು ರಾವಣನ ಪ್ರತಿಕೃತಿಯನ್ನು ಸುಡುತ್ತಾರೆ ಮತ್ತು ರಾಮಲೀಲಾವನ್ನು ಅನೇಕ ಸ್ಥಳಗಳಲ್ಲಿ ಆಯೋಜಿಸಲಾಗಿದೆ. 2024 ರ ದಸರಾ ಅಥವಾ ವಿಜಯದಶಮಿ ಹಬ್ಬದ ದಿನಾಂಕ ಮತ್ತು ಪೂಜೆ ವಿಧಿ – ವಿಧಾನಗಳ ಬಗ್ಗೆ ತಿಳಿದುಕೊಳ್ಳೋಣ..

1. 2026 ರ ದಸರಾ ಯಾವಾಗ.?: 2026 ರಲ್ಲಿ ದಸರಾವನ್ನು ಅಕ್ಟೋಬರ್ 20 ರಂದು ಮಂಗಳವಾರ ಆಚರಿಸಲಾಗುತ್ತದೆ. ದೃಕ್‌ಪಂಚಾಂಗದ ಪ್ರಕಾರ ಈ ದಿನದ ವಿವಿಧ ಆಚರಣೆಗಳು ಮತ್ತು ಸಮಾರಂಭಗಳ ಸಮಯಗಳು ಕೆಳಕಂಡಂತಿವೆ:

2. ದಸರಾ ಅಥವಾ ವಿಜಯದಶಮಿ ಮಹತ್ವ: ಪ್ರತಿ ವರ್ಷ ದಸರಾ ಹಬ್ಬವನ್ನು ಅತ್ಯಂತ ಸಡಗರ, ಸಂಭ್ರಮದಿಂದ ಆಚರಿಸಲಾಗುತ್ತದೆ. ದೇಶಾದ್ಯಂತ ಜನರು ತಮ್ಮ ವಿಶಿಷ್ಟ ಶೈಲಿಯಲ್ಲಿ ಈ ಸಂದರ್ಭದಲ್ಲಿ ಭಾಗವಹಿಸುತ್ತಾರೆ. ಹತ್ತು ತಲೆಯ ರಾವಣನನ್ನು ಶ್ರೀರಾಮನು ಕೊಂದ ದಿನವೆಂದು ಈ ದಿನವನ್ನು ಪರಿಗಣಿಸಲಾಗುತ್ತದೆ. ವಿಜಯದಶಮಿ ಹಿಂದೂ ಧರ್ಮದಲ್ಲಿ ಒಂದು ಮಂಗಳಕರ ಹಬ್ಬವಾಗಿದೆ ಮತ್ತು ಕೆಟ್ಟದ್ದರ ಮೇಲೆ ಒಳ್ಳೆಯದ ವಿಜಯವನ್ನು ಆಚರಿಸುವ ಸಂಪ್ರದಾಯವಾಗಿದೆ. ದೇಶದ ಪ್ರತಿಯೊಂದು ಪ್ರದೇಶವು ದಸರಾ ಹಬ್ಬದ ಆಚರಣೆಯಲ್ಲಿ ಭಿನ್ನತೆಯನ್ನು ಹೊಂದಿದೆ.

3. ವಿಜಯದಶಮಿ ಪೂಜೆ ವಿಧಾನ: ವಿಜಯದಶಮಿ ಪೂಜೆಯನ್ನು ಯಾವಾಗಲೂ ಮಧ್ಯಾಹ್ನದ ಸಮಯದಲ್ಲಿ ಮಾಡಬೇಕು.
ಈ ದಿನ ಶ್ರೀರಾಮನನ್ನು ಪೂಜಿಸುವುದರ ಜೊತೆಗೆ ಮನೆಯಲ್ಲಿ ದುರ್ಗಾ ದೇವಿಯ ವಿಗ್ರಹ ಅಥವಾ ಫೋಟೋವನ್ನಿಟ್ಟು ಆಕೆಯನ್ನೂ ಪೂಜಿಸಲಾಗುತ್ತದೆ.
ದುರ್ಗಾ ದೇವಿಯ ಬಲಭಾಗದಲ್ಲಿ ಜಯ ಮತ್ತು ಎಡಭಾಗದಲ್ಲಿ ವಿಜಯವನ್ನು ಇರಿಸಿ.
ಈಗ ತಾಯಿಗೆ ಕುಂಕುಮ ಅಥವಾ ಕೆಂಪು ಬಣ್ಣ, ಅಕ್ಷತೆ, ಹೂವು ಇತ್ಯಾದಿಗಳನ್ನು ಅರ್ಪಿಸಿ ನೈವೇದ್ಯವನ್ನು ನೀಡುವ ಮೂಲಕ ಆರತಿ ಮಾಡಿ.
ಈ ದಿನದಂದು ಬನ್ನಿ ಅಥವಾ ಶಮಿ ವೃಕ್ಷದ ಪೂಜೆಗೂ ಹೆಚ್ಚಿನ ಮಹತ್ವವಿದೆ. ಹಾಗಾಗಿ ಬನ್ನಿ ಮರವನ್ನೂ ಪೂಜಿಸಬೇಕು.
ಈ ದಿನ ಆಯುಧಗಳನ್ನು ಕೂಡ ಪೂಜೆ ಮಾಡಬೇಕು. ದಸರಾ ದಿನದಂದು ಬಡವರಿಗೆ ಮತ್ತು ನಿರ್ಗತಿಕರಿಗೆ ದಾನ ಮತ್ತು ಆಹಾರವನ್ನು ನೀಡಿ. ಇದರೊಂದಿಗೆ ರಾವಣ ದಹನದ ನಂತರ ಮನೆಯ ಹಿರಿಯರ ಆಶೀರ್ವಾದವನ್ನು ಪಡೆದುಕೊಳ್ಳಿ.

4. ದಸರಾ ಹಬ್ಬದ ಕಥೆ: ದಸರಾ ಹಬ್ಬವು ಭಗವಾನ್‌ ಶ್ರೀರಾಮ ಮತ್ತು ದುರ್ಗಾ ದೇವಿಯೊಂದಿಗೆ ಸಂಬಂಧವನ್ನು ಹೊಂದಿರುವ ಹಬ್ಬವಾಗಿದೆ. ಈ ಕಾರಣಕ್ಕಾಗಿ ದುರ್ಗಾ ದೇವಿಯನ್ನು ಮತ್ತು ಶ್ರೀರಾಮನನ್ನು ವಿಶೇಷವಾಗಿ ಪೂಜಿಸಲಾಗುತ್ತದೆ. ಒಂದು ಕಥೆಯ ಪ್ರಕಾರ, ರಾವಣನು ರಾಮನ ಮಡದಿಯಾದ ಸೀತೆಯನ್ನು ಅಪಹರಿಸಿ ತನ್ನ ರಾಜ್ಯವಾದ ಲಂಕಾಕ್ಕೆ ಕರೆದೊಯ್ದು ಅಲ್ಲಿ ಅವಳನ್ನು ಸೆರೆಯಲ್ಲಿಟ್ಟನು. ಭಗವಾನ್ ರಾಮನು ವಾನರ ಸೈನ್ಯದೊಂದಿಗೆ ಲಂಕಾದತ್ತ ಪ್ರಯಾಣಿಸಿ ಅವನ ಸಹೋದರ ಲಕ್ಷ್ಮಣ ಮತ್ತು ಭಗವಾನ್ ಹನುಮಂತನ ಬೆಂಬಲದೊಂದಿಗೆ ಅವನು ಯುದ್ಧದ ಹತ್ತನೇ ದಿನದಂದು ರಾವಣನನ್ನು ಹತ್ಯೆಗೈಯ್ಯುತ್ತಾನೆ. ಮೊದಲ ಒಂಬತ್ತು ದಿನಗಳನ್ನು ನವರಾತ್ರಿ ಎಂದು ಆಚರಿಸಲಾಗುತ್ತದೆ ಮತ್ತು ರಾವಣನನ್ನು ಕೊಂದ ಹತ್ತನೇ ದಿನವನ್ನು ದಸರಾ ಎಂದು ಆಚರಿಸಲಾಗುತ್ತದೆ.

ಎರಡನೇ ಕಥೆಯ ಪ್ರಕಾರ, ಭಾರತದ ಪೂರ್ವ ಮತ್ತು ಉತ್ತರ ರಾಜ್ಯಗಳಲ್ಲಿ ಪ್ರಚಲಿತದಲ್ಲಿರುವ ಮತ್ತೊಂದು ಪುರಾಣದ ಪ್ರಕಾರ, ದುರ್ಗಾ ದೇವಿಯು ಭೂಮಿಗೆ ಶಾಂತಿಯನ್ನು ತರಲು ರಾಕ್ಷಸ ಮಹಿಷಾಸುರನನ್ನು ಸಂಹಾರ ಮಾಡುತ್ತಾಳೆ ಎಂದು ಹೇಳಲಾಗಿದೆ. ದುರ್ಗಾ ದೇವಿ ಮತ್ತು ರಾಕ್ಷಸನ ನಡುವಿನ ಯುದ್ಧವು ಹತ್ತು ದಿನಗಳವರೆಗೆ ಇರುತ್ತದೆ. ಹತ್ತನೇ ದಿನದಂದು, ದುರ್ಗಾ ದೇವಿಯು ಮಹಿಷಾಸುರನನ್ನು ಕೊಂದಳು ಮತ್ತು ಆ ದಿನವನ್ನು ವಿಜಯದಶಮಿ ಎಂದು ಆಚರಿಸಲಾಗುತ್ತದೆ.

2026 ರ ದಸರಾ ಅಥವಾ ವಿಜಯದಶಮಿ ಹಬ್ಬವನ್ನು ಅಕ್ಟೋಬರ್‌ 20 ರಂದು ಆಚರಿಸಲಾಗುವುದು. ನವರಾತ್ರಿ ಹಬ್ಬದ ಶುಭ ಸಂದರ್ಭದಲ್ಲಿ ವಿಜಯದಶಮಿಗೆ ಹೆಚ್ಚಿನ ಮಹತ್ವವಿದೆ. ಯಾಕೆಂದರೆ ಈ ದಿನ ಆಯುಧ ಪೂಜೆಯನ್ನು, ಶಮಿ ಪೂಜೆಯನ್ನು, ದುರ್ಗಾದೇವಿಗೆ ಪೂಜೆಯನ್ನು ಮತ್ತು ರಾಮನಿಗೆ ಪೂಜೆಯನ್ನು ಮಾಡಲಾಗುತ್ತದೆ.