The people who reached their goal and got Dussehra tickets in just 13 seconds! What will Mahisha's journey to Mysore be like?
ಮೈಸೂರು ದಸರಾ ಕಂಬಳದಲ್ಲಿ ಪಾಲ್ಗೊಳ್ಳಲು ತುಳುನಾಡಿನಿಂದ ಸುಮಾರು 170 ಜೋಡಿ ಕೋಣಗಳು ಸಜ್ಜಾಗಿವೆ. ಕಾರ್ಕಳದ ಮಿಯಾರಿನಲ್ಲಿ ನಡೆದ ಅರ್ಹತಾ ಸುತ್ತಿನಲ್ಲಿ ಸುಮಾರು 210 ಜೋಡಿಗಳು ಭಾಗವಹಿಸಿದ್ದು, ವೇಗದ ಆಧಾರದಲ್ಲಿ ಆಯ್ಕೆ ಪ್ರಕ್ರಿಯೆ ನಡೆದಿದೆ.
ಮಂಗಳೂರು: ವಿಶ್ವವಿಖ್ಯಾತ ಮೈಸೂರು ದಸರಾ ಮಹೋತ್ಸವದ ಅಂಗವಾಗಿ ನಡೆಯಲಿರುವ ಮೊದಲ ಮೈಸೂರು ಕಂಬಳಕ್ಕೆ ಕ್ಷಣಗಣನೆ ಆರಂಭವಾಗಿದೆ. ತುಳುನಾಡಿನ ಸಾಂಪ್ರದಾಯಿಕ ಕಂಬಳ ಕ್ರೀಡೆಯನ್ನು ಮೈಸೂರಿನಲ್ಲಿ ಪ್ರದರ್ಶಿಸಲು ಸಿದ್ಧತೆಗಳು ಭರದಿಂದ ಸಾಗುತ್ತಿದ್ದು, ಕರಾವಳಿಯಿಂದ ಸುಮಾರು 170 ಜೋಡಿ ಕೋಣಗಳು ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ಅಣಿಯಾಗಿವೆ. ಅಕ್ಟೋಬರ್ 18 ಮತ್ತು 19ರಂದು ಮೈಸೂರಿನ ಸಾತಗಳ್ಳಿ, ವಿಟಿಯು ಕಾಲೇಜು ಸಮೀಪದ ಕಂಬಳ ಕ್ರೀಡಾಂಗಣದಲ್ಲಿ ಸ್ಪರ್ಧೆ ನಡೆಯಲಿದೆ. ಬೆಳಗ್ಗೆ 9 ಗಂಟೆಯಿಂದ ಕಾರ್ಯಕ್ರಮ ಆರಂಭವಾಗುವಂತೆ ಅಧಿಕೃತ ವೇಳಾಪಟ್ಟಿ ಪ್ರಕಟಿಸಲಾಗಿದೆ.
ಮಿಯಾರಿನಲ್ಲಿ ನಡೆದ ಕೋಣಗಳ ಆಯ್ಕೆ ಪ್ರಕ್ರಿಯೆ:
ಮೈಸೂರು ಕಂಬಳದಲ್ಲಿ ಭಾಗವಹಿಸುವ ಕೋಣಗಳ ಆಯ್ಕೆ ಪ್ರಕ್ರಿಯೆ ಕಾರ್ಕಳದ ಮಿಯಾರಿನಲ್ಲಿ ನಡೆದಿದೆ. ನೇಗಿಲು ಕಿರಿಯ ಹಾಗೂ ಹಗ್ಗ ಕಿರಿಯ ವಿಭಾಗಗಳ ಅರ್ಹತಾ ಸುತ್ತಿನಲ್ಲಿ ಸುಮಾರು 210 ಜೋಡಿ ಕೋಣಗಳು ಭಾಗವಹಿಸಿದ್ದವು. ಕೋಣಗಳ ವೇಗವನ್ನು ಪ್ರಮುಖ ಮಾನದಂಡವಾಗಿಟ್ಟುಕೊಂಡು ಆಯ್ಕೆ ಪ್ರಕ್ರಿಯೆ ನಡೆಸಲಾಗಿದೆ. ಈ ಮೂಲಕ ಮೈಸೂರಿನ ಕಣಕ್ಕೆ ಅರ್ಹವಾದ ಕೋಣಗಳನ್ನು ಗುರುತಿಸುವ ಪ್ರಯತ್ನ ನಡೆದಿದೆ. ಆಯ್ಕೆಗೊಂಡ ಕೋಣಗಳ ತಂಡಗಳು ಈಗಾಗಲೇ ತಮ್ಮ ಕೋಣಗಳನ್ನು ಸ್ಪರ್ಧೆಗೆ ಸಜ್ಜುಗೊಳಿಸುತ್ತಿವೆ.ಅದರಲ್ಲಿ 85 ಜೊತೆ ಕೋಣಗಳು ಆಯ್ಕೆಯಾಗಿವೆ. ಹಿರಿಯ ವಿಭಾಗದಲ್ಲಿ 85 ಜೊತೆ ಕೋಣಗಳು, ಕಿರಿಯ ವಿಭಾಗದಲ್ಲಿ 85 ಜೊತೆ ಕೋಣಗಳು ಮೈಸೂರು ಕಂಬಳದಲ್ಲಿ ಕೂಟದಲ್ಲಿ ಭಾಗವಹಿಸಲಿದೆ. ಇವುಗಳು 13 ಸೆಕೆಂಡಿನಲ್ಲಿ ಗುರಿ ತಲುಪಿ ಈ ಹಂತಕ್ಕೆ ಆಯ್ಕೆಯಾಗಿವೆ.
ಪ್ರತಿದಿನ ಕುದಿ ಕಂಬಳ; ವೇಗ ಹೆಚ್ಚಿಸಲು ಅಭ್ಯಾಸ
About The Author
