Kiccha Sudeep: Priya-Sudeep’s wedding is 25 years old!:ಕಿಚ್ಚ ಸುದೀಪ್ ಹಾಗೂ ಪ್ರಿಯಾ ಸುದೀಪ್ 25ನೇ ವಿವಾಹ ವಾರ್ಷಿಕೋತ್ಸವ ಆಚರಣೆ ಮಾಡಿಕೊಂಡಿದ್ದಾರೆ. ಮನೆಯಲ್ಲಿ ವಿಶೇಷ ಪೂಜೆ ಕೂಡ ನಡೆದಿದೆ. ಈ ಕ್ಷಣದ ಇನ್ನಷ್ಟು ವಿವರ ಇಲ್ಲಿದೆ ಓದಿ.
ಕಿಚ್ಚ ಸುದೀಪ್ ಹಾಗೂ ಪ್ರಿಯಾ ಸುದೀಪ್ ದಾಂಪತ್ಯ ಜೀವನಕ್ಕೆ 25 ವರ್ಷ ಆಗಿದೆ. 2001 ರಲ್ಲಿ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದೆ. ಮದುವೆ ಆಗಿ ಮೂರು ವರ್ಷಕ್ಕೆ ಮಗಳೂ ಸಾನ್ವಿ ಹುಟ್ಟಿದ್ದಾಳೆ. ಈ ಜೋಡಿಯ ಲೈಫ್ ಅಷ್ಟೆ ಸುಂದರವಾಗಿಯೇ ಇದೆ. ಪರಸ್ಪರ ಗೌರವ ಕೊಡ್ತಾನೇ ಇದೀಗ ಬರೋಬ್ಬರಿ-25 ವರ್ಷ ಮುಗಿಸಿದ್ದಾರೆ. 25ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ದಿನ ಮನೆಯಲ್ಲಿ ವಿಶೇಷ ಪೂಜೆ ಮಾಡಿಸಿದ್ದಾರೆ. ಈ ಜೋಡಿಯ ‘ಲವ್ಲಿ ಲೈಫ್’ ನ ಇನ್ನಷ್ಟು ವಿವರ ಇಲ್ಲಿದೆ ಓದಿ.
ಚೆಂದದ ಪ್ರೀತಿಗೆ ಸುಂದರ ದಾಂಪತ್ಯ: ಪ್ರಿಯಾ ಸುದೀಪ್ ಹಾಗೂ ಕಿಚ್ಚ ಸುದೀಪ್ ಪ್ರೀತಿಸಿಯೇ ಮದುವೆ ಆಗಿದ್ದಾರೆ. ಸುದೀಪ್ ಚಿತ್ರರಂಗದಲ್ಲಿ ಅವಕಾಶ ಹುಡುಕುತ್ತಿದ್ದ ಸಮಯದಲ್ಲಿಯೇ ಇವರ ಲವ್ ಸ್ಟೋರಿ ಶುರು ಆಗಿತ್ತು.
ಪ್ರಿಯಾ ಅವರು ಬ್ಯಾಂಕ್ ಅಲ್ಲಿ ಕೆಲಸ ಮಾಡ್ತಾ ಇದ್ದರು. ಇವರದೊಂದು ಕೈನೆಟಿಕ್ ಸ್ಕೂಟರ್ ಕೂಡ ಇತ್ತು. ಅದರಲ್ಲಿಯೇ ಸುದೀಪ್ ಮತ್ತು ಪ್ರಿಯಾ ಓಡಾಡ್ತಿದ್ದರು. ಬ್ಯಾಂಕ್ ಅಲ್ಲಿ ಪ್ರಿಯಾ ಅವರನ್ನ ಬಿಟ್ಮೇಲೆ ಸುದೀಪ್ ಆ ಕೈನೆಟಿಕ್ ತೆಗೆದುಕೊಂಡು ಅವಕಾಶಕ್ಕಾಗಿಯೇ ಗಾಂಧಿನಗರಕ್ಕೆ ಹೋಗ್ತಾ ಇದ್ದರು.
ಬ್ಯಾಂಕ್ ಕೆಲಸದ ಟೈಮ್ ಮುಗಿಯೋ ಹೊತ್ತಿಗೆ ವಾಪಾಸ್ ಬ್ಯಾಂಕ್ ಹತ್ತಿರದ ಸುದೀಪ್ ಬರ್ತಾ ಇದ್ದರು. ಇದನ್ನ ಸ್ವತಃ ಸುದೀಪ್ ನೆನಪಿಸಿಕೊಂಡಿರೋದು ಇದೆ.
About The Author
