ರಾಘವೇಂದ್ರ ಗುರುಕರುಣೆ ಸಂಪಾದನ ಸ್ತೋತ್ರ| Sri Raghavendra Guru Karuna Sampadana Stotram Lyrics In Kannada

ಶ್ರೀಪ್ರಾಪ್ತ್ಯೈ ಪ್ರಚುರತೃಷಾಪಿಶಾಚಕಃ ಸ-

-ನ್ನಾಜನ್ಮಪ್ರಕಟಿತತೀರ್ಥಕಾಕಭಾವಃ |

ದಾರಿದ್ರ್ಯಪ್ರಿಯಸುಹೃದಂ ತಥಾಪಿ ದಾತ-

-ರ್ಮಾಂ ಪಾತ್ರೇ ಸಮಿತಮುಪೇಕ್ಷಸೇ ಕ್ವ ಯಾಮಿ || ೧ ||

ರಾಕೇಂದುಪ್ರತಿಮಮುಖೀಮವೇಕ್ಷ್ಯ ಚಿತ್ತಂ

ಲೋಲಂತೀಂ ಶುನಕಕುಧೀಸ್ತದಾನುಕೂಲ್ಯೇ |

ಶಂಯುರ್ನಾಭವಮನಯಾ ತಥಾಪಿ ಭೂಯ-

-ಶ್ಚೂಡಾಲಃ ಸ್ವಜನವಿರೋಧಜಾಪಕೀರ್ತ್ಯಾ || ೨ ||

ಘರ್ಮಾರ್ತೋ ದಿಶಿ ದಿಶಿ ಚಾರಪಾಶಚಾರಂ

ಸಂಚರ್ಯ ಕ್ಷಣಮಪಿ ವಿಶ್ರಮಂ ನ ಚಾಪಂ|

ಕಾಪೇಯಸ್ತದಪಿ ಮಲೀಮಸೇ ಧನಾಶಾ-

-ಭಾರೇಣ ಪ್ರತಿಗೃಹಮೇಮ್ಯಕಿಂಚನೋಪಿ || ೩ ||

ವೇದಾಂತೇ ನ ಕಿಮಪಿ ಸಾಹಸಂ ಮಯಾತ್ತಂ

ಸಂಸರ್ತುರ್ಮಮ ಧಿಷಣಾಭವಚ್ಛಿಲಾಭಾ |

ಶ್ರೀಲಾನಾಂ ದ್ವಿಜಕಕ ಇತ್ಯನಾದೃತೋ ವಾ

ಪಶ್ಚಾದ್ವಾ ಪುರತ ಉತಾನುಗಾದಿಕೋಹಂ || ೪ ||

ದಾರಾ ಮೇ ತಿಲಕಟು ಕಲ್ಪಯಂತಿ ಚಿತ್ತಂ

ವ್ರಾತೀನೋ ಧನಿಕತಯಾಪಿ ನಾಪಮರ್ಥಂ |

ತಸ್ಮಾನ್ಮಾಮನುಪಧಿಕಂ ಸುಪುತ್ರಕಂ ತೇ

ತಾತೇಷ್ಟಪ್ರದ ಕುರು ರಾಘವೇಂದ್ರತೀರ್ಥ || ೫ ||

ಯಂ ಯಂ ವಾ ಜನಮಹಮಾಶ್ರಯೇ ಸುಖಾಯ

ಪ್ರಾರಬ್ಧಾನ್ ಮಮ ಸ ಸ ಕರ್ಮಣೋ ಜಹಾತಿ |

ಹೃದ್ರೋಗಃ ಪ್ರಪಚತಿ ರೂಪಮದ್ಯ ತತ್ಕ-

-ಸ್ತಂ ಕ್ಷಿಪ್ರಂ ಪ್ರಶಮಯ ಮಾಂ ಸುಖೀ ಕುರು ತ್ವಂ || ೬ ||

ನರ್ನೃತ್ತಃ ಪ್ರತಿಪದಮಂಗನಾಧನಾಶೀ

ಉಷ್ಣಾಲುಃ ಸತತಮಹಂ ಹಿಮೇಲುರೇಷಃ |

ಕಿಂ ಕಾರ್ಯಮಿಹ ಪರಸಾಧನಾನ್ಯುಪಾಯೀ-

ಕೃತ್ಯೇ ತ್ವಂ ಗುರುವರ ಮೇ ಗತಿಂ ಪ್ರದೇಹಿ || ೭ ||

ಮಾರೋದೀರಿತಿ ಚಿರದೂನಮಾನಸಂ ಮಾ-

-ಮಾಶ್ವಸ್ಯ ಪ್ರಕಟಯ ಮಯ್ಯುದಾರಭಾವಂ |

ಯಾಚೇ ತ್ವಾಂ ಯತಿವರ ರಾಘವೇಂದ್ರತೀರ್ಥಾ-

-ನನ್ಯಾಪ್ಯಾಂ ಪಿತೃಬಲತಾಂ ತ್ವಯಾಹಮಾಪ್ತುಂ|| ೮ ||

ಕೃಷ್ಣಾಖ್ಯಃ ಕವಿರವಧೂತ ಈಶಜೂಟೀ

ಸಂಸರ್ಪತ್ ಸುರಸರಿದಾಭ ವಾಗ್ವಿಲಾಸಃ |

ಸ್ತೋತ್ರಂ ಶ್ರೀಗುರುವರ ಪಾದಯೋರ್ವಿತನ್ವ-

-ನ್ನಾಪೇದೇ ಸಪದಿ ತದಿಷ್ಟಪುತ್ರಭಾವಂ || ೯ ||

”ಇತಿ ಶ್ರೀಕೃಷ್ಣಾವಧೂತ ಪಂಡಿತ ಕೃತೌ ಶ್ರೀರಾಘವೇಂದ್ರ ತಂತ್ರೇ ನವಮಪಟಲೇ

ಗುರುಕರುಣಾ ಸಂಪಾದನ ಸ್ತೋತ್ರಂ ನಾಮ ದಶಮೋಧ್ಯಾಯಃ||”

ಶ್ರೀ ರಾಘವೇಂದ್ರ ಅಷ್ಟೋತ್ತರಶತನಾಮಾವಳಿ|

ರಾಘವೇಂದ್ರ ಸ್ವಾಮಿ ದುಃಖಹರಣ|