Success Formula: Will waking up at 5 am bring success? Is this the secret to success? Here are the full details!.. – ಜೀವನದಲ್ಲಿ ಯಶಸ್ಸು ಸಾಧಿಸಬೇಕಾದರೆ ಬೆಳಗ್ಗೆ ಸೂರ್ಯೋದಯಕ್ಕೂ ಮುನ್ನ, ಅಂದರೆ 5 ಗಂಟೆಗೇ ಏಳಬೇಕು ಎಂದು ನಾವು ಆಗಾಗ ಕೇಳುತ್ತೇವೆ. ಹೌದು, ಬೆಳಿಗ್ಗೆ 5 ಗಂಟೆಗೆ ಏಳುವುದು ಯಶಸ್ಸಿನ ಎರಡನೇ ಹೆಜ್ಜೆ.
ಜೀವನದಲ್ಲಿ ಯಶಸ್ಸು ಸಾಧಿಸಬೇಕಾದರೆ ಬೆಳಗ್ಗೆ ಸೂರ್ಯೋದಯಕ್ಕೂ ಮುನ್ನ, ಅಂದರೆ 5 ಗಂಟೆಗೇ ಏಳಬೇಕು ಎಂದು ನಾವು ಆಗಾಗ ಕೇಳುತ್ತೇವೆ. ಹಾಗಾಗಿ ಜೀವನದಲ್ಲಿ ಯಶಸ್ಸು ಸಾಧಿಸಿದವರು ಬೆಳಿಗ್ಗೆ ಬೇಗನೇ ಎದ್ದು ದಿನವನ್ನು ಶುರುಮಾಡುತ್ತಾರೆ. ಬೆಳಿಗ್ಗೆ 5 ಗಂಟೆಗೆ ಏಳುವುದು ಶಿಸ್ತಿನ ಮೊದಲ ಹೆಜ್ಜೆ. ಆ ಸಮಯದಲ್ಲಿ ಮನೆ ಶಾಂತವಾಗಿರುತ್ತದೆ. ಅವರು ಯೋಜನೆ, ವ್ಯಾಯಾಮ ಅಥವಾ ಆಲೋಚನೆಯೊಂದಿಗೆ ದಿನವನ್ನು ಆರಂಭಿಸುತ್ತಾರೆ. ಇದರಿಂದ ಅವರು ದಿನವಿಡೀ ಹೆಚ್ಚು ಗಮನದಿಂದ ಮತ್ತು ಶಕ್ತಿಯಿಂದ ಕೆಲಸ ಮಾಡಬಹುದು.
ಹೌದು, ಬೇಗನೆ ಏಳುವುದರಿಂದ ಹೆಚ್ಚು ಸಮಯ ಸಿಗುತ್ತದೆ. ದಿನವನ್ನು ಶಾಂತವಾಗಿ, ಒತ್ತಡವಿಲ್ಲದೆ ನಡೆಸಬಹುದು. ಬೆಳಿಗ್ಗೆ ಶಿಸ್ತಿನಿಂದ ಏಳುವುದರಿಂದ ಮನಸ್ಸು ಸ್ಪಷ್ಟವಾಗುತ್ತದೆ, ದಿನವಿಡೀ ಶಕ್ತಿ ಇರುತ್ತದೆ. ಬೆಳಿಗ್ಗೆ 5 ಗಂಟೆಗೆ ಎದ್ದು ಶಿಸ್ತಿನ ದಿನಚರಿಯನ್ನು ಅನುಸರಿಸುವುದರಿಂದ ಏನೆಲ್ಲಾ ಪ್ರಯೋಜನ ಎಂದು ತಿಳಿದುಕೊಳ್ಳೋಣ ಬನ್ನಿ.
ಮೊಬೈಲ್‌ ಫೋನ್‌ಗಳಿಂದ ದೂರವಿರುವುದು: ಹೆಚ್ಚಿನ ಜನರು ಬೆಳಿಗ್ಗೆ ಕಣ್ಣು ತೆರೆದ ಕೂಡಲೇ ವಾಟ್ಸಾಪ್ ಮತ್ತು ಸೋಶಿಯಲ್ ಮೀಡಿಯಾ ಮೆಸೇಜ್ಗಳನ್ನು ನೋಡುತ್ತಾರೆ. ಆದರೆ ಯಶಸ್ಸು ಸಾಧಿಸಿದವರು ಎದ್ದ ನಂತರ ಮೊದಲ 30 ನಿಮಿಷ ಫೋನ್ ಮುಟ್ಟುವುದಿಲ್ಲ. ಇದರಿಂದ ಮನಸ್ಸು ಶಾಂತವಾಗಿರುತ್ತದೆ ಮತ್ತು ಒತ್ತಡ ಇರುವುದಿಲ್ಲ. ಹಾಗೆ ಮಾಡಿದರೆ ದಿನವಿಡೀ ನಮ್ಮ ಆಲೋಚನೆಗಳು ನಮ್ಮ ನಿಯಂತ್ರಣದಲ್ಲೇ ಇರುತ್ತವೆ ಎಂದು ಪ್ರಖ್ಯಾತ ನ್ಯೂರೋಸೈಂಟಿಸ್ಟ್ ರಾಚೆಲ್ ಬಾರ್ ತಮ್ಮ ವಿಡಿಯೋದಲ್ಲಿ ಹೇಳಿದ್ದಾರೆ.
ಧ್ಯಾನ: ಬೆಳಿಗ್ಗೆ ಎದ್ದ ತಕ್ಷಣ ಒಂದು ಲೋಟ ಬೆಚ್ಚಗಿನ ನೀರು ಕುಡಿದು ಕೆಲವು ನಿಮಿಷ ಶಾಂತವಾಗಿ ಕುಳಿತುಕೊಳ್ಳುವುದು ಒಳ್ಳೆಯದು. ಇದನ್ನು ಧ್ಯಾನ ಎನ್ನುತ್ತಾರೆ. ಆ ದಿನ ಮಾಡಬೇಕಾದ ಕೆಲಸಗಳನ್ನು ಸ್ಪಷ್ಟವಾಗಿ ಯೋಚಿಸಿದರೆ ಮನಸ್ಸಿನ ಚಿಂತೆ ಕಡಿಮೆಯಾಗುತ್ತದೆ. ಗಮನ ಹೆಚ್ಚಾಗುತ್ತದೆ.
ಜ್ಞಾನ ಹೆಚ್ಚಾಗುತ್ತದೆ: ಬೆಳಿಗ್ಗೆ ಸ್ವಲ್ಪ ಹೊತ್ತು ಶಾಂತವಾದ ಸ್ಥಳದಲ್ಲಿ ಒಳ್ಳೆಯ ಪುಸ್ತಕ ಅಥವಾ ಪತ್ರಿಕೆ ಓದುವ ಅಭ್ಯಾಸ ಮಾಡಿಕೊಳ್ಳಿ. ದಿನಕ್ಕೆ ಕನಿಷ್ಠ 10 ಪುಟ ಓದಿದರೆ ಒಂದು ತಿಂಗಳಲ್ಲಿ ಒಂದು ಪುಸ್ತಕವನ್ನು ಮುಗಿಸಬಹುದು. ಇದರಿಂದ ಮೆದುಳು ಸಕ್ರಿಯವಾಗಿರುತ್ತದೆ ಮತ್ತು ಜ್ಞಾನವೂ ಹೆಚ್ಚುತ್ತದೆ.
ಕೆಲಸದ ಯೋಜನೆ: ಯಶಸ್ವಿ ಜನರು ಪ್ರತಿದಿನ ಮಾಡಬೇಕಾದ ಕೆಲಸಗಳನ್ನು ಮುಂಚಿತವಾಗಿ ನೋಟ್‌ಬುಕ್ ಅಥವಾ ಜರ್ನಲ್‌ನಲ್ಲಿ ಬರೆದಿಡುತ್ತಾರೆ. ದಿನದ ಮುಖ್ಯ ಕೆಲಸಗಳನ್ನು ಮೊದಲೇ ಯೋಜಿಸಿದರೆ ಗೊಂದಲ ಆಗುವುದಿಲ್ಲ. ಎಲ್ಲಾ ಕೆಲಸಗಳು ಸಮಯಕ್ಕೆ ಸರಿಯಾಗಿ ಮುಗಿಯುತ್ತವೆ.
ಆರೋಗ್ಯಕರ ಉಪಹಾರ, ವ್ಯಾಯಾಮ: ಬೆಳಿಗ್ಗೆ ಹುರಿದ ತಿಂಡಿಗಳನ್ನು ತಿನ್ನಬೇಡಿ. ಬದಲಿಗೆ ಮೊಳಕೆ ಕಾಳುಗಳು, ಹಣ್ಣುಗಳು, ಮೊಟ್ಟೆ ಅಥವಾ ಓಟ್ಸ್‌ನಂತಹ ಪ್ರೋಟೀನ್ ಇರುವ ಆರೋಗ್ಯಕರ ಉಪಾಹಾರವನ್ನು ತಿನ್ನಿ. ಸ್ವಲ್ಪ ಯೋಗ ಅಥವಾ ನಡಿಗೆ ಮಾಡಿದರೆ ಮೆದುಳಿನಲ್ಲಿ ಸಂತೋಷದ ಹಾರ್ಮೋನುಗಳು ಬಿಡುಗಡೆಯಾಗುತ್ತವೆ. ಇದರಿಂದ ದಿನವಿಡೀ ನೀವು ಚುರುಕಾಗಿರುತ್ತೀರಿ.
ನೀವೂ ಜೀವನದಲ್ಲಿ ಮುಂದೆ ಹೋಗಬೇಕೆಂದು ಬಯಸಿದರೆ, ಬೆಳಿಗ್ಗೆ 5 ಗಂಟೆಗೆ ಏಳುವ ಸವಾಲನ್ನು ತೆಗೆದುಕೊಳ್ಳಿ. ಕನಿಷ್ಠ 21 ದಿನಗಳ ಕಾಲ ಈ ಶಿಸ್ತನ್ನು ಮುಂದುವರಿಸಿದರೆ, ಅದು ನಿಮ್ಮ ದೈನಂದಿನ ಅಭ್ಯಾಸವಾಗುತ್ತದೆ. ಹಾಗೆ ಮಾಡಿದರೆ ನೀವು ಯಶಸ್ಸಿನ ಕಡೆಗೆ ಸಾಗುತ್ತೀರಿ.
About The Author
